“Jula-Jula fakir bat zen. Egunero, egunsentian, eguzkia irtetean errezatzen hasten zen. Baina egun batean, errezatzen ari zela, min handia hartu zuen”. Kantatu eta JULA-JULA fakirra imitatuz ondo pasatzeko prestatu dugun abestia da hau. Fakirrak bezala mozorrotu gintezke. Badakizue, turbantea eta hori guztia. Katxemiratik etorritako fakirrak gara guztiok. A Erritmoari jarraituz, biribilean ibili egingo gara. B Geldirik, korroko guztiak elkarri begira, besoak altxa eta JULA-JULA JA oihukatuz, makurraldi bereziak egingo ditugu. Eta atera kontuak: lehenengo makurraldian gerriak KRAK! Eta, gero, belaunak, eta bizkarrak, eta kopetak eta KRAK! Aldi bakoitzeko KRAK!aren ondorengo ibilaldia keinu bereziak eginez burutuko da. Hau da, gerriari helduta, herrenka, bizkarra okertuta, kopetari eutsiz... Animo, eta txantxa piska bat!